Hö‘ulu‘ulu ‘Ölelo Pökole

Aia ke ola hou ‘ana o kahi ‘olelo nawaliwali a ho‘ano hou ‘ia ma kona mau ‘ao‘ao a pau. A ‘o ka ‘olelo Hawai‘i kekahi. Aia a ho‘ano hou ‘ia ka ‘olelo, a laila, hiki ke kukakuka ‘ia na ‘ano kumuhana like ‘ole, pau pu me na kumuhana noi‘i a ka po’e na’auao o ka honua nei. Pela e lako ai ka ‘olelo Hawai‘i i na ‘olelo a me na loina ‘olelo e pono ai ke kakau a wala’au paha ma na wahi a pau. Aia ka pono o ke kaiaulu ‘olelo i ka haku ‘ana i mau loina hou. ‘O ia ihola ka hana e laha ai na po’aiapili o ka ‘olelo, a ‘o ia ihola ka mea e mahuahua ai na kanaka walewaha ma loko o ia mau po’aiapili. He mea nui ko‘iko‘i ke kakau ‘ana i na ho’ike papahana noi‘i ma ka ‘olelo Hawai‘i, no ka mea, he wahi ia i kapu ma mua no ka ‘olelo haole wale no. I komo loa aku auane‘i ka ‘olelo Hawai‘i ma ia wahi, e pi‘i no kona kulana hanohano a like a like me ka ‘olelo haole, a e helu ‘ia ho’i ma na ‘olelo mana o ka honua nei. Aia ma loko o neia pepa kekahi mau ho‘ike no ka waiwai o ke kakau ‘ana i pepa nui ma ka ‘olelo Hawai‘i. E huli ka lima i lalo a kaomi i ke pihi!